البنات جبتلكم نصائح لتكسبي قلب زوجك أو خطيبك
اسمعي و تأكدي مكاش حاجة طلع المورال للمرأة زي تخمامها في أنوثتها ، في بشرتها، في شعرها،في لاطاي...في كامل جسمها..يعني كي تولي زوينة يطلعلك المورال و مكاش مرا ماشي زوينة بل كاين مرا ما تعرفش تبين زينها ... كل جسم ناعم نظيف و خالي من الدودانات..و من الحب و الطاشات و من الحروشية فهو جميل.
نبداو بالمشية من الأشياء اللي تسلب عقول الرجال بزااااااف على هذا حرم علينا ربي سبحانو التمايل في الزنق مالا هذاك العمود الفقري اللي أعطاهولك ربي سبحانو باه تستقيمي بيه ماشي باه تمشي منحنية .. رجعي كتافك للوراء و رفدي راسك و هبطي عينيك..و صغري الخطوات و التهرويل انسايه..روحي للمراية و ادربي
- الريحة دوخ الرجال تدواخ..مالا تهلاي أوراق نعناع ، ورد يابس ،ميريمية ولا قطع ليمون في الماء التدواش و رجعيلي الخبر
- كاين 02 صوالح يهدمو كامل واش راكم تقراو عندي و يسلبولك كل الأنوثة هما العصبية و الثرثرة . و غير تروحلك الأنوثة كلاك بوبي مالا زيري هاذوك لي بولون تاوعك
- الصوت و ما أدراك ما الصوت يفعل الأفاعيل في الراجل لازم ثم لازم تنقصي السرعة في الهدرة اهدري و حبسي و امبعد كملي ..الدراسات تقول بلي الراجل ما يقدرش يسمع المرا أكثر من 10 دقايق يعني كي يقللك ضريتيني في راسي ما هوش يكذب هاذي حقيقة علمية ... مالا اهدري 100 د و حبسي و ما يهمش واش تقولي كيما تهم درجة الصوت اللي تهدري بيها نقصي في الفوليم خلي صوتك حنيييييييين راه يذوب المخلوق و في الليل خلي صوتك قريب لوذنيه وحنين بزاف و كي تحبي تبلبلي و تكثري الهدرة روحي لسوق_النسا و خطاك الشي يبردولك قلبك ... ياك حرفتهم ههههه
- حلي وذنيك امليح انت تعشقي كلمة نحبك بصح اراجل يعشق كلمة شكراااااا ..مارسي .. يعطيك الصحة عمري .. راك تتعب على جالنا....... امدحيه . و شوفي منو الحب و الاهتمام اللي عمرك ما شفتيه و ادعيلي
- قوليلو يا راجلي . يا سبع . و رجعيلي لخبر
- الراجل إذا حبيتي تخدميهالو و تخليه نهار كامل موراك ..كي يسقسيك جاوبيه بإختصار شديد و اسكتي بلا ما تدخلي فالتفاصيل.. هذا الغموض عندو مفعول السحر على الراجل
- أكبر غلطة ترتكبيها في حقك ماشي في حق الراجل هي أنك تبينيلو بلي تموتي عليه و ما تقدريش تعيشي بلا بيه ..هنا كلاك بوبي
- قلشيه الصباح بصح عند الباب و الدقيقة الأخيرة اللي يخرج فيها...و كي يرجع ادعيلي و هذا سر_كبيييييير
- قلتها من قبل و نعاودها..الناس اللي زواجهم قدم و المشاعر طفات ..عليكم و على الخزرة في العين مباشرة لمدة ثواني و زيديلها إبتسامة ..و هبطي راسك و لعبي بشعرك..
- كي يعيطلك في التليفون سيرتو سيرتو المخطوبات عمرك ما ترفدي المرة الاولى جامي حتى للثالثة غير المكالمات الرسمية تاع جيب البصل و جيب البطاطا..و كي يديرلك ميساج عمرك ما تردي قبل 10د خلي حتى يفوتو 10د و ردي... و ماشي دايما حتى يكره و يولي ما يعيطلكش و تقولي دارتوها بيا خطرة على خطرة عندك عقلك و وازني..و ديري في بالك بلي ماشي انا اللي راني نقول ما ترفديش حتى للمرة الثالثة هاذو نتائج دراسات اجراوهم على الرجال و ركزي املييييييح في هاذ النقطة إذا قالك اعلاه ما رفدتيش واش كنتي ديري قوليلو كنت ندير أختاري اي حاجة أنثوية تخليه يفكر فيك و يتوحشك كتر و كتر و هذا هو السر مثلا .كنت ندير في الفارني لظفاري...ماسك لوجهي..نماكييي......إلخ و حبسي المكالمة بلخف فصباح اعتذري بلباقة على أساس راكي مشغولة ...و روحي كملي تقشار البصل.ههههه.و كي تعيطيلو انت مرة وحدة إذا ما رفدش ردي بالك تعاوي.
- الراجل ما يكررش الاعتذارات ... و احد و يجيه ثقيل مالا اقبلي اول اعتذار منو سي نو تندمي من بعد.
- كوني شاطرة و عوديه على ريحتك و إذا ما خلاكش تروحي لداركم أنا خاطيني...ههههه
- اللغز قربي منو و انشاغلي عليه
- اكبر غلطة تقوليلو أديها فيا ولا علاه ماكش دايها فيا ...نووونوووونووو ..تهلاي بروحك و شوفي كيفاه يتلهى فيك ...
-في الأخير إذا عجبوك النصائح ادعيلي واستناي النصائح الجايين و زيارة ممتعة للمدونة
رموز التعبير