تدابير وافكار منزلية تفيدك سيدتي:
■باش يجوك لي بول تاع لحم بنان زيدي معاهم سمن .
■باش يبقالك زيتون لونو شباب غلي معاه القارص .
■كي يكون عندك بزاف ناس ولحم للبوراك قليل زيدي حبة بطاطا مغلية.
■باش تجيك الغراتان بنينة ديري سمن للخضرة وخليهم 10 دقايق فالفور وبعدها ديري لاصوص لي تحبيها .
■الفلفل كي تشويه فالفور دهنيه بزيت يجي بنين وساهل فالتقشار.
■ اللحم كي تكوني رايحة تحمريه داويه قبل وخليه يريح فالفريجيدار باش يجي بنين كثر.
■كي تنساي لا كوكوط و تتحرق خليها كيما راهي ما تحليها ما تنحيلها الصفارة حطيها في باسينة فيها ما بارد و خليها 10 دقايق كي تحليها تلقي الماكلة طلعت و بنة الحريق ماكاش...
■كي تقلي الحوت حطي الخل فالزيت باش ماتطلقش الريحة فالكوزينة
■كي تقلي البوراك باه ميشربش الزيت ديري فص ثوم وباه تضمنيه يكون ناشف وقفي حبات في كسكاس باه يقطر هذاك الزيت
■اذا كانت المقلة نتاعك تلصق سخنيها مليح فوق نار وديري الملح وحكيها ومسحيها برك واقلي فيها.
■باه تجيك البطاطا المقلية بنينة كيما تاع المطاعم كي تنقيها وطرفيها ديريها في ما دافي وشوية خل لمدة عشر دقائق وبعدها قليها على نار شوي عالية بلا تحراك حتا يتغير لونها للاصفر ذهبي قلبيها... المعنئ زوج تقليبات برك باه تطيب كل فرق وحدو ومتتعجنش
■كي ديري المعجنات كيما الخبز وباه يجيك السطح احمر ويلمع زيدي قطرات خل للبيض وادهني بيه معجناتك
■الخبز باه تجيك فيه شوي قرمشة في الأخير كي تخلصي العجن زيديلو شوية من خميرة الحلويات
■كي تحبي تخبي الخضر في المجمد مثل الجلبانة واللوبيا الخضرا ديري معاهم ورقات نعناع
■ تحبي تنشفي مرقة بيضاء ديري مغرف نشاء وعصير قارص
■الزيتون الاخضر باه تتنحالو هذيك الملوحة دريلو ملعقة فرينة وخليه،وبعد ساعة اغسليه بالماء.
■ لاصوص تاع الطماطم زيديلها مغرفة سكر باه متجيكش قارسة.
رموز التعبير