صباح الخير جمعة مباركة سيداتي المتألقات
جبتلكم اليوم الحلوة التي يعشقها أغلب الجزائريين بساط الريح أو صب الرشراش
المقادير:
3 بيضات
كاس غير ربع سكر
كاس غير ربع زيت
1 خميرة الحلوى
1 فانيليا أو مبشور الليمون
2 كيسان و نص فرينة
للحشو نصف علبة معجون
الطريقة:
بالباتور ضربي 3 بيضات مع كاس غير ربع سكر حتى يولي كريمة بيضا زيدي كاس غير ربع زيت و كملي الخفق
حبسي الباتور و زيدي وحدة خميرة الحلوى و لافاني أو مبشور الليمون اختياري
و شيحي بزوج كيسان و نص معمرين مليح فرينة تتحصلي على عجينة مطلوقة بين عجينة الصابلي و المسكوتة
حطيها في بلاطو مدهون بالزيت -ما تحطيهاش كامل خلي القليل منها-و حطي الزيت في يدك و عدليها
جيبي نص علبة معجون حركيها مليح بالملعقة باه تولي سائلة و حطيها فوق العجينة
العجينة لي خليتي زيديلها الفرينة حتى تولي متماسكة و رابيها فوق المعجون أنا أضفت معاها الكاوكاو محمص و مرحي و حطيها تطيب
البلاطو المستعمل 30/20 سم
شهية طيبة
رموز التعبير